Ulugbeck’s web blog >>

30 декабр куни ишдан қайтишда Чорсудаги автобус бекати ёнидаги киоскдан мутолаа қилиш учун газеталар сотиб олдим. Даракчи, 7х7, Чемпион газеталарини. Қани, “Сариқ матбуот”имизнинг йил охиридаги сонларида нима гаплар бор экан, деб муқоваларига кўз югуртирсам, “Даракчи”нинг нашр этилган кунига 1.01.2009 , “7х7” газетасида 02.01.2009 деб қўйишипти !? Ваҳоланки ўша куни сана 30 декабр эди. Сотувчига, – Опа, боплашибдию, ҳали 1 январ, 2 январ келмасдан газетани ўша число билан чиқариб қўйишипти-ку, десам, -Ҳа қўяверинг, ўша кунлари дам олиш деб, олдинги число билан чиқариб қўйишганда, дейди .
Хўш, ўша кунлари дам олиш экан, газетани олдинроқ чоп эитш керак бўлса, ўша аниқ сана билан чоп эттирмайсизми барака топкур? Ундан ҳам қизиғи ичкарида экан. Машҳурларнинг янги йилни қандай кутиб олганликлари ҳақида. Ҳали янги йил киришига 2 кун борку, Даракчида машҳурларнинг Янги йилни қандай кутиб олганлиги ҳақида хабар берилади . Мантиқ қани, барака топкурлар?

Катта жиянчам – жуда шўх, эркатой, маҳмадона қиз бўлган. Ҳозирги замонни болалари ҳар балога ақли етади-эй, баъзи гапларини эшитсангиз, шуни ёш бола гапиряптими деб ҳайрон қоласиз, баъзи гапларини эшитиб қотиб куласиз . Бугун эрталаб онам айтиб бердилар, бир куни овқатланиб бўлгандан кейин қўлини дуога очиб, лаблари қимирлаб, пичир-пичирлаб дуо қилармишда, фотиҳа қилибди. Онам нима деб дуо қилдинг, деб сўрасалар. -Айтмайман. –Айтгақол энди. – Айтсам уришмайсизми, момо? – Йўқ, нимага, уришмайман.
-Доим бўлсин тўйхона, дедим. Ана, қаранг… (p.s.Тили чиқиб бурро гапиришни бошлаганида унга шеър тариқасида шу дуони ўргатишган. “Дастурхонда седана, териб есин бедана, шу ўтирган уй-хона, доим бўлсин тўйхона”) Эшитиб ҳам кулдим уни гапларидан, ҳам ажабландим, ҳам ғурурландим! Чунки шу жажжи инсонда ўзбек менталитети куртак ёймоқда!
Илоҳи эзгу ниятларимизни, дуоларимизни ижобат қилгин, Оллоҳим!

Блог дизайни билан яна шуғулланиш мақсадида, Yandex дан “шаблоны для WordPress” топиб бер деб сўрасам…. нашёлся 1 млн страниц деб қаторлаштириб ташладику саҳифаларни

Ассалому алайкум! Хуш кўрдик
Мана мен ҳам.блоглар оламига биринчи қадам қўйдим. Аниқроқ айтадиган бўлсам uForum даги бир мавзуда ўзбек тилидаги блоглар ҳақида суҳбат кетганди. Ушбу мавзу билан танишиб каминада ҳам блог очиш фикри туғилди. Авваламбор blogger.uz соҳиби линклари орқали ўз блогимни яратдим. Ана иннайкейин  вордпресс деган нарсалар ҳақида билиб олдим. Блогни очишга очдиму иш, ташвишлар билан чалғиб, ҳечқурса битта ҳам пост қолдирмабман. Анча ўтиб почтамга хат келди, -“Блогингиздаги постга комментарий келди, уни ўчириш учун блогга админ бўлиб киринг ва ўчирадиган жойни топиб олиб ўчиринг”, деган ). – Бўпти, акахон, гап йўқ. бажарамиз деб, блогга кирмоқчи бўлсам, …шу десангиз… палакат..паролим эсимдан чиқиб қолипти )). Тегишли функциялардан фойдаланиб бир амаллаб янги парол олдим ва шу баҳона блогни созлашга киришдим. Дизайн бўлимига кириб ўзимга ёққан кўринишни ўрнатдим, ана иннайкейин мана шу сиз ўқиб турган постни ёзишга киришдим (ҳеч бўлмаса бўш турмасин деб ).
Тантанали равишда ўз-ўзимга ваъда бераманки, энди бўш вақтларимда (эсимдан чиқиб кетмаса агар ) блогни самарали юритиб, фойдали маълумотлар, янгиликларни Узнет фойдаланувчиларига ҳавола этиб бораман!

Янги йил барчага муборак бўлсин! Янги йил янгидан-янги муваффақиятлар олиб келсин!